Aktorja Emma Corrin tërhoqi gjithë vëmendjen gjatë Javës së Modës Haute Couture në Paris, ku mori pjesë në prezantimin e koleksionit të ri të shtëpisë së modës Schiaparelli me një veshje artistike dhe të pazakontë.
Emma u shfaq e veshur me një xhaketë spektakolare të zbukuruar me pupla, një prej krijimeve më të veçanta të Schiaparelli, e kombinuar me pantallona të zeza dhe aksesorë minimalistë. Paraqitja e saj u cilësua si një nga më të spikaturat e ditës, shkruan Daily mail, përcjell “Bota sot”.
Ylli i “The Crown” pozoi për fotografët përpara nisjes së sfilatës, duke treguar edhe një herë prirjen e saj për zgjedhje të guximshme dhe eksperimentale në modë. Stili i saj u komentua gjerësisht në rrjetet sociale dhe nga kritikët e modës.
Emma Corrin Sfilata e Schiaparelli hapi Javën e Modës Haute Couture në Paris dhe prezantoi një koleksion të frymëzuar nga arti surrealist, me krijime teatrale dhe silueta të pazakonta që përfaqësojnë identitetin e markës.
Emma Corrin është bërë një nga emrat më të ndjekur në tapetet e kuq falë stilit të saj unik, duke zgjedhur shpesh veshje që sfidojnë kodet tradicionale të modës dhe tërheqin vëmendjen në çdo event. Emma Corrin Paraqitja e saj në Paris u vlerësua si një ndër më të suksesshmet e ditës, ndërsa xhaketa me pupla u kthye në një nga krijimet më të fotografuara të sfilatës.
Me stilin e saj të veçantë dhe guximin në zgjedhjet e modës, Emma Corrin vazhdon të konsolidojë statusin si një nga figurat më interesante dhe më të komentuara në industrinë ndërkombëtare të modës. Emma Corrin