Danimarka ka regjistruar ditën më të nxehtë në historinë e matjeve meteorologjike që nga viti 1874, ndërsa një valë e fortë të nxehti po përfshin pjesë të mëdha të Evropës. Sipas Institutit Meteorologjik Danez (DMI), temperatura ka arritur në 36.6 gradë Celsius në veri të qytetit Odense, duke thyer rekordin e mëparshëm kombëtar prej 36.4 gradë Celsius, të regjistruar në vitin 1975.
Autoritetet meteorologjike kanë bërë të ditur se rekordi është regjistruar ndërsa dita ende nuk kishte përfunduar, duke e bërë atë temperaturën më të lartë të regjistruar ndonjëherë në vend. Më herët gjatë së njëjtës dite, është shënuar edhe rekordi i ri për muajin qershor, me 35.8 gradë Celsius, duke tejkaluar vlerat e mëparshme historike të regjistruara në vitin 1947.
Vala e të nxehtit ka sjellë edhe “natën tropikale” më të ngrohtë të regjistruar ndonjëherë në vend, ku temperaturat nuk kanë rënë nën 22.7 gradë Celsius. Autoritetet daneze kanë lëshuar paralajmërime për qytetarët dhe kanë vendosur kufizime të përkohshme në qarkullimin e automjeteve të rënda gjatë orëve më të nxehta, për të shmangur dëmtime në infrastrukturë nga temperaturat ekstreme.
Sinjali – aty ku e vërteta flet para lajmit!