Për disa njerëz, nuk ka asgjë të keqe të ulen në shtrat me rrobat e punës apo me ato që kanë veshur gjatë një daljeje. Për të tjerë, vetëm ideja që papastërtitë, pluhuri dhe mikrobet nga jashtë të përfundojnë në çarçafë është e bezdisshme. Ekspertët e pastrimit dhe shkencëtarët kanë vendosur të sqarojnë nëse ky shqetësim ka vërtet bazë.
A është i justifikuar shqetësimi për rrobat e jashtme? Sipas ekspertëve, rrobat që vishen jashtë, sidomos gjatë ditëve kur kalojmë në ambiente të mbushura me njerëz, mund të mbledhin papastërti, pluhur dhe mikroorganizma që më pas përfundojnë në pëlhurat e shtëpisë.
Kimberly Romine, shkencëtare në fushën e kujdesit për tekstilet, shpjegon se rrobat e përdorura jashtë mund të mbajnë ndotës që transferohen te çarçafët, divanet apo mobiliet e tjera. “Rrobat që vishen jashtë mund të mbajnë pluhur, papastërti dhe aroma që mund të qëndrojnë në ambientin e shtëpisë”, thotë ajo.
Ekspertja e pastrimit Carolyn Forté thotë se për divanin mund të ketë më shumë tolerancë, por për shtratin rregulli i saj është i qartë: rrobat e jashtme nuk kanë vend aty. Si të shmangësh përhapjen e papastërtive në shtëpi Nuk është e nevojshme të ndërroni rrobat menjëherë nëse thjesht keni bërë një shëtitje të shkurtër ose keni dalë me makinë për disa punë.
Por situata ndryshon kur keni qenë në vende me shumë njerëz, si transporti publik, aeroportet apo hapësirat e mbipopulluara. Ekspertët këshillojnë: Ndërroni rrobat sapo të ktheheni në shtëpi. Lajini rrobat pas përdorimit, veçanërisht nëse keni qenë në zona të ngarkuara. Lajini çarçafët rregullisht, idealisht një herë në javë. Përdorni detergjent cilësor gjatë larjes së rrobave.
Ndërrimi i rrobave të jashtme sapo hyni në shtëpi nuk është një rregull i detyrueshëm për të gjithë, por ekspertët e rekomandojnë sidomos kur bëhet fjalë për shtratin. Një gjë është e sigurt: shtrati është vendi ku trupi pushon për orë të tëra, ndaj mbajtja e tij sa më e pastër mund të ndikojë në një ambient më të freskët dhe më të rehatshëm për gjumë.
Për divanin apo karriget rregullat janë më fleksibël, por gjithçka varet nga vendet ku keni qenë gjatë ditës. Në fund të fundit, një palë pizhame të pastra para gjumit nuk janë vetëm më higjienike, por edhe më komode.