Një rast i posedimit të paautorizuar të armës është raportuar më 10 tetor në fshatin Ceraj të Leposaviqit, pasi Policia ka pranuar informacion për të shtëna me armë zjarri pranë varrezave. Burimet e Sinjalit bëjnë me dije se rreth orës , njësia patrulluese dhe hetuesit kanë dalë në lokacion, por fillimisht nuk kanë hasur ndonjë person apo provë të dyshimtë.
Sipas informatave të pranuara, në zonë ishte parë një VW Golf i kaltër me targa vendore. Pas verifikimeve, Policia ka kontaktuar pronarin e automjetit, Luan Musa, i cili ka konfirmuar se kishte qenë në lokacionin e përmendur.
Gjatë kontaktit me policinë, ai ka deklaruar se posedonte një armë dhe më pas ka dorëzuar vullnetarisht një pushkë gjysmë-automatike të prodhimit kinez, së bashku me 10 fishekë të kalibrit 7.62 mm. Arma dhe municioni janë marrë nga Policia për procedurat e mëtejshme. Rasti po trajtohet për “Mbajtje në pronësi, kontroll ose posedim të paautorizuar të armëve”, ndërsa hetimet po vazhdojnë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!