Presidentja e Komisionit Evropian, Ursula von der Leyen, ndodhet sot në Kosovë, në kuadër të turneut të saj në Ballkanin Perëndimor. Vizita e saj në Prishtinë zhvillohet më , ndërsa në agjendë janë takimet me ushtruesen e detyrës së Presidentes, Albulena Haxhiu, dhe kryeministrin Albin Kurti.
Sipas agjendës së publikuar për sot, von der Leyen do të pritet nga Haxhiu në orën , në Presidencën e Kosovës. Më pas, në orën , ajo do të zhvillojë takim me kryeministrin Albin Kurti, shkruan “Bota sot”. Vizita është pjesë e turneut vjetor të presidentes së Komisionit Evropian në Ballkanin Perëndimor, i cili përfshin Shqipërinë, Kosovën, Malin e Zi dhe Maqedoninë e Veriut.
Sipas Komisionit Evropian, fokusi i vizitës është rruga drejt Bashkimit Evropian, integrimi gradual dhe zbatimi i Planit të Rritjes për Ballkanin Perëndimor, me vlerë 6 miliardë euro. Von der Leyen e nisi turneun të mërkurën në Tiranë, ku u takua me presidentin Bajram Begaj dhe kryeministrin Edi Rama.
Pas Kosovës, ajo do të udhëtojë drejt Podgoricës, ndërsa më 2 tetor do të qëndrojë në Shkup. Takimet në Prishtinë zhvillohen në një periudhë të rëndësishme për raportet Kosovë-BE, ndërsa vizita pritet të sjellë në fokus çështjet e integrimit evropian dhe reformat që lidhen me këtë proces.