Kosova rikthehet në fushë për ndeshjen e tretë në Grupin B3 të Ligës së Kombeve, ku përballë do ta ketë Izraelin në “Nagyerdei Stadion” të Debrecenit. “Dardanët” e nisën kampanjën me fitore 1-0 ndaj Republikës së Irlandës, por tri ditë më vonë pësuan 3-1 nga Austria. Me tri pikë në dy ndeshje, Kosova aktualisht renditet e dyta në grup, pas Austrisë që ka gjashtë pikë.
Në anën tjetër, Izraeli e ka nisur në mënyrën më të keqe të mundshme këtë edicion. Fillimisht u mposht 3-1 nga Austria, ndërsa më pas pësoi humbje të thellë 3-0 nga Republika e Irlandës.
Për këtë arsye, izraelitët mbajnë vendin e fundit me zero pikë dhe vetëm një gol të shënuar pas dy takimeve. 12 ndeshje i pezulluar dhe jashtë listës së FIFA-s, gjyqtari i ndeshjes Izrael-Kosovë merr vëmendjen Kjo do të jetë përballja e tretë mes Kosovës dhe Izraelit.
Dy skuadrat kanë nga një fitore, ndërsa një ndeshje ka përfunduar në barazim, me Kosovën që ka shënuar dy gola dhe Izraeli një në përballjet e mëparshme sipas UEFA-s. Për Kosovën, sfida në Debrecen është një mundësi për të rikuperuar pas humbjes ndaj Austrisë dhe për t’u rikthyer në rrugën e rezultateve pozitive.
Një rezultat i favorshëm do të ishte i rëndësishëm para ndeshjes së radhës, sërish ndaj Austrisë, më 4 tetor. Ndeshja Izrael – Kosovë zhvillohet të enjten, më 1 tetor, në “Nagyerdei Stadion” të Debrecenit, me fillim nga ora ./ Telegrafi