Ylli i Real Madridit, Vinicius Junior, ka folur hapur për rënien e tij të fundit në formë, duke pranuar se aktualisht po përballet me mungesë vetëbesimi si te klubi, ashtu edhe me kombëtaren e Brazilit. Sulmuesi brazilian, i njohur për efikasitetin dhe spektaklin e tij në fushë, ka pasur vështirësi për të gjetur golat në javët e fundit.
Aktualisht, ai ka shënuar vetëm një gol për Real Madridin këtë sezon, ndërsa vazhdon të përballet edhe me pasojat emocionale të një Botërori zhgënjyes. Megjithatë, Vinicius e gjeti rrjetën me Brazilin, duke realizuar nga penalltia në minutën e 80-të në fitoren 4-2 ndaj Australisë në “Suncorp Stadium”. Penalltia erdhi në një moment të papritur për brazilianin.
Raphinha, ekzekutuesi i rregullt i penalltive, ishte larguar nga fusha, ndërsa Bruno Guimaraes ishte lojtari i radhës që mund ta merrte përsipër ekzekutimin. Por mesfushori i Arsenalit vendosi t’ia linte topin Viniciusit, duke kuptuar se bashkëlojtari i tij kishte nevojë për një moment që mund t’i rikthente vetëbesimin.
Pas fitores, Vinicius e falënderoi Guimaraesin dhe bashkëlojtarët e tjerë për mbështetjen që i dhanë. Ai zbuloi se mesfushori brazilian ishte tërhequr qëllimisht për t’i dhënë mundësinë atij të fitonte pak më shumë besim.
Teoria konspirative që po trondit Brazilin, pretendohet se Vinicius u zëvendësua nga sozia e tij “Bruno Guimaraes është ekzekutuesi ynë i penalltive kur Raphinha nuk luan dhe mendova se ai do të donte ta merrte përsipër. Por ai e di se tani, në këtë moment, unë kam nevojë për pak vetëbesim”, deklaroi Vinicius. “Bashkëlojtarët e mi e dinë se tani kam nevojë për vetëbesim.
Të humbasësh një Botëror është e vështirë dhe e dhimbshme për t’u pranuar, ndërsa rikthimi nuk është kurrë i lehtë”, shtoi ylli i Real Madridit./ Telegrafi