Vetëm pak ditë pas zgjatjes rekord të kontratës së Max Verstappen me Red Bull, piloti britanik Lando Norris është kundërpërgjigjur. Kampioni në fuqi i botës në Formula 1 ka nënshkruar një kontratë të re me McLaren, duke e zgjatur atë deri në vitin 2030. Është përfshirë gjithashtu një opsion shumëvjeçar për të zgjatur marrëveshjen përtej kësaj date.
Marrëdhënia midis pilotit anglez dhe ekipit me bazë në ëoking daton që nga viti 2017, kur Lando iu bashkua ekipit përmes programit junior, fillimisht duke shërbyer si pilot testimi dhe simulator. I promovuar si pilot në vitin 2019, Norris që atëherë ka garuar në 163 gara me ekipin, një rekord i të gjitha kohërave për një pilot të McLaren.
Gjatë kësaj kohe, ai ka arritur 18 “pole position”, 48 podiume, 13 fitore, dy tituj botërorë për konstruktorë dhe titullin botëror për pilotë. Marrëveshja vjen pas zgjatjes së kontratës së Oscar Piastri në mars të vitit të kaluar dhe i shtohet kontratave afatgjata të nënshkruara gjatë dy viteve të fundit nga CEO Zak Broën dhe drejtori i ekipit Andrea Stella.