Fiorentina ka kaluar në avantazh ndaj Juventusit në garën për Joshua Zirkzee. Sulmuesi holandez, i cili prej më shumë se një muaji ishte konsideruar objektiv i bardhezinjve, tashmë është shumë pranë një transferimi te skuadra vjollcë. Juventusi është bllokuar nga situata me Jonathan David, pasi sulmuesi nuk ka pranuar ofertat e fundit nga klubet e huaja.
Pa largimin e Davidit, bardhezinjtë nuk mund të avancojnë për Zirkzeen dhe kjo i ka dhënë mundësinë Fiorentinës të hyjë fuqishëm në garë. Drejtori sportiv, Fabio Paratici, në kërkim të zëvendësuesit të Moise Kean, i cili pritet të transferohet te Como, ka shndërruar kontaktet e para në një tratativë konkrete me Manchester United.
Zirkzee ka dhënë gjithashtu dritën jeshile për transferimin në Firence. Oferta e Fiorentinës parashikon një huazim me pagesë rreth 5 milionë euro, ndërsa në fund të sezonit do të ketë një të drejtë blerjeje ose detyrim të kushtëzuar për rreth 25 milionë euro, plus bonuse. 25-vjeçari dëshiron të largohet nga ‘Old Trafford’, ku hapësirat e tij janë ngushtuar edhe më shumë pas rikthimit të Marcus Rashford nga Barcelona.
Zirkzee nuk luajti asnjë minutë në ndeshjen e parë të Manchester United në Premier League. Fiorentina po punon për të mbyllur marrëveshjen sa më shpejt, por ndërkohë mban në konsideratë edhe alternativat Beto dhe Arnaud Kalimuendo.