Frank Warren, promotori i njohur i boksit dhe i boksierit britanik Tyson Fury, tha se ish-kampioni i botës në peshën e rëndë është gati të fillojë menjëherë kampin stërvitor. Palët presin të konfirmojnë datën dhe vendin e duelit me Anthony Joshua. “E tëra çfarë mund të them është se jemi gati për të luajtur fort, jemi gati për të luftuar.
Tyson dëshiron të hyjë në kamp sa më shpejt, kështu që po presim një njoftim që këtë javë. Ne duam që sfida të bëhet. Ne duam ta heqim qafe”, tha Warren. Më tej, ai sqaroi: “Mendoj se gjithçka është gati. Çantat janë paketuar. I gjithë ekipi është gati për të filluar. Ne kemi parapërgatitur gjithçka.
Ne thjesht po presim butonin e nisjes.” Warren tha se besimi i Tyson Fury se përballja me Joshua do të zhvillohet ishte rritur në javët e fundit. Megjithatë, ai pranoi se pasiguria mbetet ndërsa detajet përfundimtare janë ende duke u përpunuar. “Ka shkuar gjithnjë e më tej. Po rri aty duke e bindur se kjo do të ndodhë.
Mendoj se tani është më i sigurt se kjo do të ndodhë, shumë më i sigurt se sa ishim ne. Por ai do të luftojë çfarëdo që të ndodhë“, tha promotori.