Një burrë në fund të të tridhjetave mendoi se më në fund po e rindërtonte martesën me gruan, pasi e kishte falur për një lidhje jashtëmartesore. Por, pikërisht kur gjithçka dukej se po kthehej në normalitet, ai zbuloi se gruaja kishte vazhduar të komunikonte fshehurazi me të dashurin e saj të dikurshëm dhe madje i kishte kërkuar edhe të takoheshin.
I tronditur nga kjo goditje e dytë, ai i drejtohet psikologes Deidre për të kuptuar nëse mund t’i besojë sërish gruas që ende e dashuron, përcjell “Bota sot”. Rrëfimi i plotë E fala gruan pasi më tradhtoi, por tani më ka tradhtuar përsëri Doli se, ndërsa ne po përpiqeshim të riktheheshim bashkë, ajo vazhdonte t’i shkruante burrit që na e shkatërroi martesën.
Nuk e di se ku mund të shkojmë nga këtu. Të dy jemi në fund të të tridhjetave, kemi 12 vjet të martuar dhe kemi tre fëmijë. Mendoja se kishim një martesë të lumtur, ndaj u shkatërrova kur zbulova se ajo kishte pasur një lidhje jashtëmartesore për një vit. U ndamë para tetë muajsh.
Muajt e parë ishin shumë të dhimbshëm, me shumë debate dhe biseda mes lotësh, por të paktën mund t’i shihja fëmijët sa herë që doja. Më pas, muajin e kaluar, shkuam në një pushim familjar që ishte rezervuar dhe paguar para se të ndaheshim. Nuk donim t’i mërzisnim fëmijët duke e anuluar.
Prisja që gjithçka të ishte e sikletshme dhe e vështirë, por ndodhi diçka e çuditshme – në fakt, kaluam një kohë fantastike së bashku. Gjatë pushimeve, gjithçka dukej si dikur. Dhe kur u kthyem në shtëpi, gruaja ime tha se dëshironte që të provonim sërish. Ajo më tha se pushimet e kishin bërë të kuptonte se çfarë kishte humbur. Isha në qiellin e shtatë.
Filluan të kalonim më shumë kohë bashkë dhe të flisnim për gjithçka. Madje fjetëm bashkë një herë dhe ishte e mrekullueshme të ndihesha sërish i afërt me të. Seksi ishte po aq i mirë sa kur sapo ishim njohur, intensiv dhe plot pasion. Më pas zbulova se ajo kishte qenë në kontakt me burrin me të cilin më kishte tradhtuar, ndërkohë që ne po përpiqeshim të rregullonim marrëdhënien tonë.
Ishte pikërisht ai që më tregoi për këtë. Ajo madje i kishte kërkuar të takoheshin, por ai e kishte refuzuar, sepse tani është në një lidhje tjetër. Ajo ka kërkuar falje vazhdimisht dhe ka thënë se nuk donte të ndodhte asgjë me të, por unë nuk mund të ndaloj së menduari për këtë. E dua, por si mund t’i besoj pas kësaj?
Përgjigja e psikologes: Gruaja jote ta theu zemrën dhe më pas të tradhtoi për herë të dytë. Kërkimfaljet nuk mjaftojnë. Është e qartë se ju ende e doni njëri-tjetrin, por për të rindërtuar besimin pas një tradhtie nevojitet shumë më tepër sesa dashuria. Që pajtimi të funksionojë, ajo duhet të jetë plotësisht e sinqertë me ty dhe të tregojë se është e përkushtuar ndaj martesës suaj.
Dhe të dy duhet të punoni për të kuptuar se çfarë e kishte bërë atë aq të palumtur sa të të tradhtonte, në mënyrë që kjo të mos ndodhë më.