Sprinteri britanik Romell Glave fitoi titullin në garën e 100 metrave në Kampionatin e Britanisë së Madhe, që po zhvillohet në Birmingham, duke regjistruar kohën e shkëlqyer 9.98 sekonda. Për 26-vjeçarin kjo ishte një mbrëmje historike, pasi për herë të parë në karrierë arriti të thyejë zyrtarisht barrierën e 10 sekondave në kushte të rregullta të erës.
Glave rezistoi ndaj rikthimit të fuqishëm të Zharnel Hughes, i cili pas një starti të dobët përfundoi i dyti me kohën sezonale më të mirë prej 10.01 sekondash. Pas tyre u renditën Louie Hinchliffe dhe kampioni evropian në sallë Jeremiah Azu, të cilët regjistruan kohë identike prej 10.03 sekondash, duke e bërë finalen një nga më cilësoret e sezonit në Evropë.
Rezultati i Glave merr rëndësi edhe më të madhe duke pasur parasysh se Kampionati Evropian do të zhvillohet në të njëjtin stadium pas më pak se dy muajsh..