Rafael Leão në mëngjesin e sotëm është rikthyer të stërvitet së bashku me pjesën tjetër të grupit të vënë në dispozicion të trajnerit Ruben Amorim. Stërvitja e fundit e rregullt e tij me Milanim datonte më 14 gusht, ndërsa në ditët në vijim e kishte ndjekur një program individual, në një periudhë ku nuk kanë munguar as zërat e largimit, përcjell “Gazeta Express”.
E ardhmja e lojtarit vazhdon të jetë e mbushur me pikëpyetje, më pak se një javë para përfundimit të afatit kalimtar të verës. Për Milanin, portugezi vazhdon të jetë në listën e lojtarëve që mund të largohen, por vetëm nëse plotësohen disa kushte ekonomike.
Në terma konkretë, kuqezinjtë i kërkojnë të paktën 50 milionë euro si shumë fikse, ndërsa me bonuset shuma totale mund të arrijë në 60 milionë euro. Deri tani, asnjë klub nuk ka qenë i gatshëm të shkojë deri në këtë shumë.
Në fillim të afatit kalimtar ishte interesuar Fenerbahçe, ndërsa më pas në garë hyri edhe Al-Hilal i Simone Inzaghit, por kjo mundësi nuk e ka bindur veçanërisht numrin 10 të Milanit. Premierliga gjithashtu e ka sondazhuar situatën, me Aston Villan dhe Tottenhamin që kanë shfaqur interes, por pa bërë hapa konkretë. Për këtë arsye, destinacioni më i mundshëm për momentin mbetet Galatasaray.
Klubi turk duket i gatshëm t’i ofrojë deri në 40 milionë euro shumë fikse, një shifër që është më e ulët se kërkesa e Milanit. Megjithatë, me afrimin e fundit të afatit kalimtar të verës, është e mundur që klubi kuqezi ta rishikojë të paktën pjesërisht qëndrimin e tij