Opinionistja Nexhmije Gjema ka reaguar ashpër ndaj, siç i ka quajtur ajo, përpjekjeve për relativizimin e krimeve të Serbisë në Kosovë. Përmes një postimi, Gjema ka kritikuar analistë dhe politikanë të opozitës, duke thënë se disa prej tyre po përpiqen të gjejnë arsyetime për krimet e kryera gjatë luftës. “Përderisa na hala po gjejmë varreza masive, Serbia s’munët me e varrosë të vërtetën.
E as ju”, ka shkruar ajo. Postimi i plotë: 𝐊𝐣𝐨 𝐯𝐢𝐝𝐞𝐨 𝐨𝐬𝐡𝐭𝐞̈ 𝐬𝐡𝐮𝐩𝐥𝐚𝐤𝐞̈ 𝐟𝐭𝐲𝐫𝐞̈𝐬 𝐩𝐞̈𝐫 𝐬𝐞𝐜𝐢𝐥𝐢𝐧 𝐪𝐞̈ 𝐦𝐮𝐧𝐨𝐡𝐞𝐭 𝐦𝐞 𝐢 𝐫𝐞𝐥𝐚𝐭𝐢𝐯𝐢𝐳𝐮, 𝐚𝐫𝐬𝐲𝐞𝐭𝐮 𝐚𝐩𝐨 𝐚𝐦𝐧𝐢𝐬𝐭𝐮 𝐤𝐫𝐢𝐦𝐞𝐭 𝐞 𝐒𝐞̈𝐫𝐛𝐢𝐬𝐞̈ 𝐧𝐞̈ 𝐊𝐨𝐬𝐨𝐯𝐞̈. Qitë video ua kisha lshu me zor nja 1mil herë do “analistave” e politikanëve tonë t’opozitës, qi e kanë marrë përsipër me ia la Sërbisë gjynahet-krimet e luftës.
Sa ironike: atje, n’Sërbi, k’ta njerëz po flasin e po trishtohen pse kanë PA, kanë DITË e kanë HESHTË për krimet që i kanë bo policia, ushtria e paramilitarët sërbë, pra shteti i tyne… …e këtu, n’Kosovë, hala i ki do të paskrupullt që dalin e na shpjegojnë se Sërbia s’paska pasë edhe qaq faj, se “duhet me e pa kontekstin”, se “edhe…nashta s’kanë pas faj” …e qisi idiotsi tuj gjetë nji arsyetim për secilin krim.
More, more t’mjer. 😡 Përderisa na hala po gjejmë varreza masive, Sërbia s’munët me e varrosë t’vërtetën. E as ju. P.S. Emisioni i Milomir Mariçit me mysafirë: Nenad Marianko, Nenedomir Jovanoviç dhe Urosh Shuvakoviç, i cili osht nji nga pasuesit ma ekstremë të Milosheviçit, zëvendësshef i Analizës së Sigurimit të Shtetit (DB), në kohën e terrorit të hapun, vrasjeve politike, agresionit, luftërave dhe krimeve.