Margot Robbie po qëndron aktualisht në Paris, ku është duke xhiruar filmin paraprijës të Ocean’s Eleven . Gjatë ditëve të fundit, aktorja është fotografuar në rrugët e kryeqytetit francez së bashku me regjisorin dhe kolegun e saj, Bradley Cooper, si dhe me aktoren Monica Barbaro.
Në Paris i është bashkuar edhe bashkëshorti i saj, Tom Ackerley, me të cilin Robbie po shfrytëzon kohën e lirë për të shijuar qytetin. Stili francez lidhet shpesh me elegancën e thjeshtë dhe atë pamjen sikur personi nuk është përpjekur aspak për t’u dukur mirë.
Por një paraqitje e tillë nuk është gjithmonë e lehtë për t’u realizuar, veçanërisht kur Parisi përfshihet nga shiu dhe erërat e forta. Në këto raste, çadra mund të kthehet lehtësisht nga një aksesor mode në një bezdi. Margot Robbie, megjithatë, dëshmoi se edhe një ditë me shi mund të shndërrohet në një mundësi për të treguar stil.
Aktorja dhe producentja u fotografua së fundmi me bashkëshortin e saj pasi u larguan nga seti i xhirimeve, teksa po drejtoheshin drejt hotelit Ritz. Robbie kishte veshur një bluzë transparente në nuanca tokësore, të dekoruar me rruaza, një shall mëndafshi rreth qafës dhe një fund të ngushtë ngjyrë gri-kafe, në stilin pencil.
Foto: Profimedia Ajo e kishte kompletuar veshjen me çizme të zeza prej lëkure, në stil kauboj, deri në mes të pulpës, si dhe me çantën e saj të preferuar të zezë me tegela, Chanel 25. Për t’u mbrojtur nga shiu, Robbie përdori një çadër të zezë me bordurë të gjelbër nga hoteli parisien Le Bristol, një prej hoteleve të preferuara nga shumë personazhe të famshëm.
Flokët e saj bionde në stilin bob ishin të drejta dhe me shkëlqim, të ndara në njërën anë dhe që i binin pak poshtë shpatullave. Bëhet fjalë për të ashtuquajturin stil “clavi-cut”, një prerje flokësh me gjatësi rreth klavikulës, e cila është bërë veçanërisht e preferuar këtë verë nga shumë prej grave të famshme.
Ylli i Wuthering Heights duket se i kushton po aq rëndësi veshjeve që zgjedh jashtë setit, sa edhe paraqitjes së saj gjatë xhirimeve. Gjatë një darke të fundit në Paris me bashkëshortin dhe prindërit e saj, ajo u shfaq me një bust të zi, të strukturuar në stil korse, dhe një fund të së njëjtës ngjyrë.
Ajo kishte zgjedhur gjithashtu sandale të holla të zeza Jude dhe një çantë Alaïa Le Teckel. Kombinimi të sillte ndër mend stilin e personazhit Samantha Jones në sezonet e mëvonshme të serialit të famshëm Sex and the City . Foto: Profimedia Gjatë valës së të nxehtit që përfshiu Parisin këtë verë, Robbie zgjodhi veshje dukshëm më të thjeshta dhe të përshtatshme për temperaturat e larta.
Një ditë u shfaq me një këmishë të bardhë dhe të ajrosshme nga Chanel, ndërsa një ditë tjetër me një bluzë të verdhë të çelët dhe një fund slip nga marka Doen. Së fundmi, ajo është fotografuar edhe me pantallona të shkurtra të gjata prej xhinsi, një prej veshjeve që është kthyer në të preferuarën e shumë personazheve të famshëm këtë verë.
Mes njerëzve të industrisë së modës, suvenirët nga hotelet e njohura ndonjëherë kanë një status të veçantë. Nuk bëhet fjalë vetëm për çantat apo rrobëdhanësit klasikë të hoteleve, por edhe për artikuj më të pazakontë, si një bluzë me figurën e gomarit Hector nga hoteli Villa Magnan në Biarritz apo një aksesor në formë ventilatori me motivin karakteristik të kuadrateve të Burberry-t nga hoteli Belles Rives.
Në rastin e Margot Robbie, çadrën e hotelit Le Bristol mund ta ketë marrë thjesht për të mbrojtur flokët nga shiu i Parisit, dhe jo si një aksesor mode të zgjedhur me kujdes. Por, duke parë se sa mirë u përshtat me të gjithë veshjen e saj, ajo do të ishte padyshim një suvenir mjaft i bukur për ta marrë me vete në shtëpi.