Prokuroria Themelore në Mitrovicë, përkatësisht Departamenti i Krimeve të Rënda, ka ngritur aktakuzë ndaj Arben Spasollit, nën dyshimin për kryerjen e veprave penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”. Sipas aktakuzës, ngjarja e rëndë ka ndodhur më , në rrugën “Adem Voca” në Mitrovicë, në banesën e viktimës Erduan Ibrahimi.
Prokuroria pretendon se i pandehuri ka shkuar në banesën e viktimës, ku në atë moment ndodheshin edhe personi i dëmtuar Shaban Ibrahimi ., dëshmitari I.M. dhe vajza e mitur gjashtëvjeçare e viktimës. Sipas aktakuzës, në momentin kur viktima ia ka hapur derën, i pandehuri fillimisht i ka folur, e ka përqafuar dhe ia ka uruar festën e Kurban Bajramit.
Më pas, pasi ka hyrë në banesë, ai dyshohet se papritmas ka nxjerrë një thikë dhe e ka goditur viktimën në pjesën e përparme të qafës. Si pasojë e plagëve të shkaktuara, viktima ka humbur jetën pa arritur të dërgohet në spital.
Ekskluzive | Ky është i dyshuari për vrasjen e rëndë që tronditi Mitrovicën Prokuroria pretendon gjithashtu se pas sulmit ndaj viktimës, i pandehuri është drejtuar edhe ndaj Shaban Ibrahimi. , duke tentuar ta godasë në pjesën e fytit.
Vrasje e rëndë në Mitrovicë: Një i vdekur dhe një i plagosur nga therja me thikë, arrestohet i dyshuari I dëmtuari ka arritur t’i shmanget goditjes, ndërsa sipas aktakuzës, i pandehuri e ka goditur në fytyrë, përkatësisht në hundë dhe buzë, duke i shkaktuar lëndime të lehta trupore me pasoja të përkohshme për shëndetin.
Në aktakuzë, Prokuroria ka përfshirë edhe veprën penale që lidhet me posedimin e paautorizuar të armës. Ekskluzive | Ky është personi që mbeti i vrarë në therjen me thikë në Mitrovicë – një tjetër u plagos dhe përfundoi në QKUK Me rastin e ngritjes së aktakuzës, Prokuroria Themelore në Mitrovicë i ka propozuar Gjykatës Themelore në Mitrovicë që të pandehurin ta shpallë fajtor për veprat penale që i vihen në barrë dhe t’i shqiptojë dënimin e merituar sipas ligjit.
I pandehuri konsiderohet i pafajshëm deri në një vendim përfundimtar të gjykatës. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!