Një Messi do të ketë mundësinë të përballet me Cristiano Ronaldon në futbollin saudit, por këtë herë nuk bëhet fjalë për Lionel Messin. Bëhet fjalë për francezin Rayane Messi, i cili është transferuar tek Al Ettifaq, duke u larguar nga Strasbourg. Klubi saudit e ka zyrtarizuar marrëveshjen për talentin e lindur në vitin 2007, i cili luan si sulmues krahu në të majtë.
Për 19-vjeçarin, ky është një rikthim në Arabinë Saudite. Sezonin e kaluar ai luajti për gjashtë muaj në huazim te NEOM SC, ndërsa tani do të vazhdojë aventurën në Saudi Pro League me Al Ettifaq. Strasbourg bëri të ditur se marrëveshja është një huazim me të drejtë blerjeje.
Rayane Messi iu bashkua klubit francez në verën e vitit 2024 dhe, pavarësisht moshës së re, arriti të shënonte dy gola në vetëm dy paraqitje me ekipin e parë. Tani ai do të kërkojë të fitojë më shumë hapësira dhe eksperiencë në futbollin saudit, ndërsa mbi të gjitha transferimi krijon një situatë interesante: emri “Messi” mund të jetë sërish përballë Cristiano Ronaldos.
Pra, nëse në të ardhmen Rayane Messi do të përballet me Al Nassr-in, titulli do të jetë i pashmangshëm: Messi kundër Ronaldos, por këtë herë pa Lionel Messin në fushë.