Kryetari i LVV-së, njëherësh kryeministër në detyrë, Albin Kurti, tha se beson që LDK-ja është dashur t’i bashkohet partisë së tij në bashkëqeverisje. Ky koment i tij vjen pas deklarimit të djeshëm të kryetarit të LDK-së, Lumir Abdixhiku, se nuk do të vazhdojnë negociatat për bashkëqeverisje me LVV-në. “Unë besoj që LDK-ja është dashur të vijë në bashkëqeverisje.
Ta kemi një marrëveshje politike. Nuk është e thënë të jetë identike me rezultatin e zgjedhjeve, 53 me 18, por edhe deformimi i rezultatit nuk mund të jetë. Nuk është pak me 18 deputetë të marrësh kryetarin e Kuvendit. Kur e pamë që nuk janë të interesuar për kryetarin e Kuvendit, oferta jonë qysh në pranverë është ripërsëritur tani.
Nëse VV do ta kishte kandidatin për president, që ishte Glauk Konjufca, atëherë LDK ta marrë zvkryeministrin dhe 4 ministri. Ndërkaq, nëse kandidati është konsensual, ta marrë zvkryeministrin dhe tri ministri. Sepse LVV po heq dorë nga presidenti”. “Nuk është pak që nëse kryetari i LDK-së, Lumir Abdixhiku, ta zëmë, bëhet zëvendës i imi në qeveri.
Nuk është pak edhe nëse rezultati të ishte edhe më i ngushtë”. “Me idenë e Abdixhikut, iu kam shkruar të tre kryetarëve të partive, që sa më parë të takohemi e të merremi vesh për presidentin”, deklaroi Kurti, teksa shtoi se “duhet të flasim edhe për emra”.