PSG ka fituar Superkupën e Evropës pasi mundi Aston Villan me rezultat 2:1 në Salzburg. Golat e futbollistëve Khvicha Kvaratskhelia dhe Desire Doue siguruan fitoren për ekipin e Luis Enriques, ndërsa Brian Madjo shënoi për ekipin anglez. PSG ka fituar kështu Superkupën për herë të dytë radhazi.
Pas ndeshjes, trajneri i parisienëve, Luis Enrique, veçanërisht theksoi mentalitetin e skuadrës së tij, e cila arriti të fitojë një tjetër trofe pas një periudhe shumë të shkurtër përgatitore. “Nuk jam i befasuar. I njoh në mënyrë të përsosur lojtarët e mi. Ishte shumë e komplikuar, ashtu si edhe vitin e kaluar.
Duhet të vlerësojmë atë që bëri skuadra, sepse nuk është aspak e lehtë të luash në këtë mënyrë vetëm pas disa ditësh stërvitje”, tha Luis Enrique për “Canal+”. “Duhet të përpiqemi t’i fitojmë përsëri të gjitha” PSG-ja kaloi në avantazh në minutën e 20-të me anë të Kvaratskhelias, ndërsa Aston Villa barazoi me golin e Madjos në fund të pjesës së parë.
Enrique reagoi gjatë pushimit duke aktivizuar Ousmane Dembele, i cili në minutën e 62-të asistoi Desire Doué për golin e fitores. Trajneri spanjoll, pas ndeshjes, theksoi se sa i kënaqur ishte me motivimin e lojtarëve të tij. “Është shumë e lehtë t’i motivosh këta lojtarë, sepse ata e duan atë që bëjnë. Është pothuajse një situatë perfekte.
Është shumë e vështirë të fitosh në mënyrë të vazhdueshme dhe për këtë arsye duhet ta shfrytëzojmë këtë moment, të jemi ambiciozë dhe profesionistë dhe të përpiqemi t’i fitojmë përsëri të gjitha. Pikërisht kjo do të thotë të jesh ambicioz”, përfundoi Luis Enrique.