Ethet e futbollit po e trondisin Turqinë, futbollisti egjiptian, Mohamed Salah mbërriti në Trabzon mbrëmë, ku u prit nga 25 mijë tifozë. Salah mbërriti në Trabzon si lojtar i lirë, pas skadimit të kontratës së tij me Liverpoolin, dhe nënshkroi kontratë dyvjeçare me ekipin turk. Salah fillimisht zbarkoi në aeroportin “Ataturk” në Stamboll, ku u prit edhe nga tifozët e Trabzonit.
Pas kësaj, egjiptiani shkoi për ekzaminime mjekësore me makinën e presidentit të klubit Ertugrul Dogan. Dhe pas ekzaminimit, Salah mbërriti në Trabzon, ku u prit nga rreth 25 mijë tifozë. Klubi më parë u kërkoi tifozëve të shmangnin përdorimin e makinave private dhe të kufizonin përdorimin e mjeteve piroteknike për arsye sigurie dhe trafiku të ngjeshur.
“Jam jashtëzakonisht i lumtur që jam këtu. Është e vështirë të përshkruaj sa i befasuar dhe i lumtur jam. Janë 25,000 njerëz këtu; nuk mbaj mend të kem parë ndonjëherë diçka të tillë”, tha Salah. Egjiptiani theksoi se kishte mbërritur për trofeun. “Kam fituar trofe në çdo klub për të cilin kam luajtur. Gjithmonë kam qenë i suksesshëm dhe kam ndërmend ta bëj përsëri këtu”.