Hendbollisti më i mirë në Kosovë, Egzon Gjuka, ka befasuar të gjithë me ekipin e ri. Gjuka, reprezentues i Kosovës, i bashkohet Deçanit. KH Deçani ka njoftuar me krenari, se kanë bërë një përforcim bombë. “Kur një kampion i vërtetë zgjedh Deçanin, ambiciet bëhen edhe më të mëdha! 5 herë i shpallur Lojtari më i Mirë në Kosovë.
Për vite me radhë, qendra më dominuese dhe më e mirë e hendbollit kosovar. Pjesë e kombëtares së Kosovës në çdo kategori – nga U16, U18, U20 e deri te ekipi A. Sot, një lider, një luftëtar dhe një fitues i lindur i bashkohet familjes së KH Deçani. Mirë se erdhe, Egzon! Bashkë do të luftojmë për çdo top, për çdo fitore dhe për ta rikthyer Deçanin aty ku e ka vendin!
Deçani nuk po ndalet… më e mira është ende përpara!” , thuhet në njoftim e Deçanit