Mohamed Salah është shumë pranë transferimit te Trabzonspori, pasi klubi turk ka nisur negociatat për të siguruar shërbimet e sulmuesit egjiptian si lojtar i lirë, pas përfundimit të kontratës së tij me Liverpoolin. Nëse marrëveshja finalizohet, ajo pritet të jetë një nga lëvizjet më të bujshme të afatit kalimtar veror në futbollin turk.
Klubi nga Trabzoni pritet të siguroi shërbimet e një prej sulmuesve më të spikatur të viteve të fundit, i cili pritet t’i japë një dimension të ri repartit ofensiv. Ndërkohë, Liverpooli e mbyll bashkëpunimin me egjiptianin pa përfituar dëmshpërblim, pasi ai u largua si lojtar i lirë.
Trabzonspor e mbylli sezonin e kaluar në vendin e tretë të Superligës së Turqisë me 69 pikë nga 34 ndeshje, duke shënuar 61 gola dhe duke pranuar 39. Skuadra krijoi 67 raste të mëdha shënimi, por humbi 43 prej tyre, çka e bëri përforcimin në fazën sulmuese një nga prioritetet kryesore.
Në sezonin 2025/26 të Premier Ligës, Salah zhvilloi 27 ndeshje me Liverpoolin, duke regjistruar shtatë gola dhe shtatë asistime në 2.148 minuta lojë. Ai krijoi 49 pasime kyçe dhe 11 raste të mëdha për gol, ndërsa realizoi një gol nga pika e bardhë.
Egjiptiani regjistroi 68 goditje drejt portës, prej tyre 57 nga brenda zonës, ndërsa shpejtësia maksimale e tij arriti në 37.04 kilometra në orë. Salah pati paraqitje pozitive edhe me Kombëtaren e Egjiptit në Kupën e Botës 2026, ku shënoi një gol dhe dhuroi dy asistime në pesë ndeshje si titullar.