Mënyra se si fëmijët flasin për përvojat stresuese mund të tregojë rrezikun për probleme të ardhshme të shëndetit mendor, sipas një studimi të ri nga Universiteti Stanford. Studiuesit intervistuan mbi 200 fëmijë të moshës 9 deri në 13 vjeç dhe përdorën mjete të inteligjencës artificiale për analizën e gjuhës së tyre.
Rezultatet treguan se jo vetëm ajo që thonë fëmijët, por edhe mënyra si e shprehin atë, mund të parashikojë rrezikun për ankth dhe depresion . Fëmijët që përdornin më shpesh fjalë absolute si “gjithmonë” dhe “kurrë” , si dhe ata që përshkruanin më shumë konflikte, frikë dhe situata të dhimbshme, kishin shenja të lidhura me rrezik më të lartë për vështirësi emocionale.
Ndërkohë, përdorimi i më shumë përemrave në vetën e tretë dhe përmendja e aktiviteteve pozitive, si lojërat apo hobet, u lidhën me një rrezik më të ulët. Sipas studiuesve, analiza e mënyrës së të folurit mund të ndihmojë në identifikimin e hershëm të fëmijëve që mund të kenë nevojë për mbështetje psikologjike. Sinjali – aty ku e vërteta flet para lajmit!