Presidentja e Komunitetit të Madridit, Isabel Díaz Ayuso, ka njoftuar sot përmes rrjeteve sociale se futbollisti argjentinas Lionel Messi ka dhuruar 80 mijë euro për të ndihmuar në rindërtimin e zonave të prekura nga zjarret shkatërruese në Madrid gjatë javëve të fundit.
Donacioni i Messit do të përdoret për të mbështetur rikuperimin e rajonit Sierra Oeste të Madridit, i cili u dëmtua rëndë nga zjarret gjatë muajit korrik. Kontributi u bë i ditur të martën nga Ayuso përmes llogarive të saj në mediat sociale, ku ajo falënderoi publikisht yllin argjentinas për këtë gjest.
“Dua ta falënderoj dhe t’i them se njerëzit e Madridit shpresojnë ta mirëpresin përsëri së shpejti për t’i dhënë duartrokitjet që meriton”, shkroi Ayuso në mesazhin e saj. Donacioni do të shërbejë për riparimin e një zone ku zjarret kanë prekur rreth 27 mijë hektarë brenda Komunitetit të Madridit.
Sipas të dhënave nga qeveria rajonale, zjarret prekën 17 komuna dhe shkaktuan dëme në pyje, toka bujqësore, ferma, banesa dhe infrastrukturë. Komuniteti i Madridit ka nisur një plan për mbështetjen e familjeve të prekura dhe restaurimin e zonave natyrore.
Masat përfshijnë ndihmë për strehimin, bizneset dhe të vetëpunësuarit, riparimin e rrugëve, si dhe punë për parandalimin e erozionit dhe nxitjen e rimëkëmbjes së pyjeve. Kontributi i Messit i bashkohet fondeve publike dhe private të dedikuara për rindërtimin e rajonit Sierra Oeste, ku shërbimet emergjente vazhdojnë monitorimin e terrenit dhe punën në zonat e prekura nga zjarri.
Leo Messi ha donado 80.000€ para la #reconstrucción de la Sierra Oeste de Madrid. Quiero darle las gracias y decirle que los madrileños esperamos recibirle pronto para darle el aplauso que se merece. 🙌🏼 — Isabel Díaz Ayuso (@IdiazAyuso) August 4, 2026 Sinjali – aty ku e vërteta flet para lajmit!