Policia e Kosovës ka arrestuar personin e dyshuar për plagosjen me armë zjarri që tronditi Skenderajn në mbrëmjen e 31 korrikut, duke i dhënë fund kërkimeve intensive që nisën menjëherë pas sulmit. Sinjali mëson se në pranga ka përfunduar Arbnor Kuliqi rreth 21-vje ç ar , i dyshuar për plagosjen e L.Z. në rrugën “Fatmir Dibra” në Skenderaj.
Siç kishte raportuar më herët Sinjali, viktima ishte qëlluar me armë zjarri në shputën e këmbës së majtë dhe ishte dërguar fillimisht në QKMF-në e Skenderajt, e më pas në Spitalin Rajonal të Mitrovicës, ku mori trajtim mjekësor. Pas ngjarjes, i dyshuari ishte larguar nga vendi i ngjarjes dhe ishte shpallur në kërkim.
Në kuadër të hetimeve, më 1 gusht, njësitë e Policisë realizuan bastisje në shtëpinë e tij në fshatin Abri e Poshtme, por Arbnor Kuliqi nuk u gjet. Gjatë bastisjes, policia gjeti një armë zjarri në brez të vëllait të tij të mitur, për të cilën dyshohet se mund të jetë përdorur në plagosje.
Arma u sekuestrua si provë materiale, ndërsa i mituri u intervistua në prani të prindit dhe avokatit mbrojtës, për t’u liruar më pas në procedurë të rregullt. Burimet e Sinjalit bëjnë të ditur se pas veprimeve operative dhe kërkimeve intensive, Arbnor Kuliqi u lokalizua dhe u arrestua mbrëmjen e 1 gushtit, rreth orës .
Me vendim të Prokurorit të Shtetit, ai është ndaluar për 48 orë dhe është dërguar në Qendrën e Ndalimit në Mitrovicë, nën dyshimin për veprën penale “Tentim vrasjeje”. Hetimet po vazhdojnë për zbardhjen e plotë të motiveve dhe rrethanave të plagosjes, ndërsa arma e sekuestruar pritet t’i nënshtrohet ekzaminimeve balistike për të verifikuar nëse është përdorur në sulm.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!