Një kontroll rutinë me ultratinguj është kthyer në një moment të paharrueshëm për një çift në Kanada, pasi foshnja e tyre dukej sikur buzëqeshi sapo dëgjoi zërin e babait. Momenti prekës u regjistrua gjatë një ekografie para lindjes, kur babai iu afrua partneres së tij, Lia Oliveira, e puthi në bark dhe nisi t’i fliste me butësi vajzës së tyre.
“Mirëmëngjes”, dëgjohet të thotë ai, përpara se ta pyeste vogëlushen: “Ke uri?”. Pak çaste më vonë, pamjet e ultrazërit treguan foshnjën duke bërë një shprehje që ngjante me buzëqeshje, në dukje si reagim ndaj zërit të babait. Momenti emocionoi prindërit, familjarët dhe stafin mjekësor që po ndiqnin ekzaminimin. Sinjali – aty ku e vërteta flet para lajmit!
Burimi:
sinjali.com