Aksionet e Policisë kundër narkotikëve po vazhdojnë edhe në Gjilan. Një 27-vjeçar ka përfunduar në duart e hetuesve të antidrogës pasi gjatë një kontrolli iu gjet një sasi e konsiderueshme e substancës së dyshuar narkotike. Burimet e Sinjalit bëjnë me dije se bëhet fjalë për Leutrim Isufin, rreth 27-vjeçar.
Sipas informacioneve, rasti ka ndodhur më 28 korrik, rreth orës , në rrugën “Idrizi Seferi” në Gjilan, ku njësia Task Forca ka ndaluar dhe kontrolluar të dyshuarin. Gjatë kontrollit, Policia i ka gjetur dhe sekuestruar substancë të dyshuar narkotike të llojit marihuanë.
Pas sekuestrimit, hetuesit e Drejtorisë për Hetimin e Trafikimit me Narkotikë (DHTN) në Gjilan kanë kryer testin fushor, i cili ka rezultuar pozitiv për marihuanë, ndërsa pesha e substancës ka rezultuar rreth 20 gramë.
Me urdhër të Prokurorit të Shtetit, ndaj Leutrim Isufit është iniciuar procedurë për veprën penale “Posedimi i paautorizuar i substancave narkotike, psikotrope ose analoge”, ndërsa pas intervistimit ai është liruar në procedurë të rregullt. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!