Autoritetet franceze urdhëruan të martën evakuimin e afro 4000 personave nga zonat turistike në bregdetin e Atlantikut, pasi rritja e temperaturave rrezikon të rikthejë përhapjen e një zjarri të madh në perëndim të Bordosë.
Zjarri në Gironde, i cili ka djegur rreth 420 kilometra katrorë, është stabilizuar, por autoritetet paralajmërojnë se temperaturat e larta dhe lagështia e ulët mund të shkaktojnë vatra të reja. Rreth 220,000 persona janë evakuuar deri tani nga zonat e prekura. Evakuimi i ri përfshin kampingje, fshatra turistike dhe parqe pushimi pranë resortit Lacanau.
Ndërkohë, 93 zjarrfikës janë lënduar gjatë përpjekjeve për shuarjen e flakëve, ndërsa janë ndërtuar 103 kilometra breza mbrojtës për të frenuar përhapjen e zjarrit. Sipas AP, autostrada A63 mbetet pjesërisht e mbyllur, ndërsa trafiku hekurudhor në jug të Bordosë është pezulluar, përveç linjës drejt Tuluzës.