Revistës The Sun i është drejtuar një 34-vjeçar, i cili rrëfen se prej dy vitesh ndodhet në një marrëdhënie të pazakontë me një kolege pune, së cilës i dhuron para dhe dhurata luksoze për kënaqësinë e tij, shkruan The Sun, përcjell “Bota sot”. Megjithatë, ai thotë se kohët e fundit ka frikë se ajo po humbet interesin dhe po mendon t’i japë edhe më shumë para për ta mbajtur pranë.
Rrëfimi i lexuesit: E dashura psikologe, Askush nuk e di sekretin tim dhe kam frikë se njerëzit do të më gjykojnë. Jam 34 vjeç dhe prej dy vitesh jam në një marrëdhënie të pazakontë me një kolege 31-vjeçare. Që prej kohësh kam fantazuar t’u jap para dhe dhurata grave. Marr kënaqësi nga fakti që ato kanë kontroll mbi paratë e mia. Seksi i zakonshëm nuk më ka dhënë kurrë të njëjtën ndjesi.
Fillimisht kisha kontakte vetëm me gra në internet, por gjithçka ndryshoi një natë pas një feste të punës, kur i tregova koleges sime për këtë dëshirë. Prisja të më tallte ose të më quante të çuditshëm, por ajo më tha se gjithmonë kishte dashur një burrë që t’i plotësonte dëshirat financiare.
Që nga ajo ditë, fillova t’i blej dhurata të shtrenjta, t’i paguaj qiranë, ta çoj për shopping dhe madje financova edhe një pushim luksoz në Maldive me fluturim në klas të parë. Deri tani kam shpenzuar rreth 18 mijë paund për të. Kam një punë të mirë dhe mund t’i përballoj këto shpenzime, edhe pse më mbetet shumë pak për veten. Për çudi, kjo më pëlqen.
Por kohët e fundit kam ndjesinë se ajo po mërzitet me mua. Më duket sikur dëshiron një lidhje normale me dikë tjetër. Kur e pyeta nëse kishte ndryshuar diçka, ajo më tha se nuk dëshiron ta ndërpresë këtë marrëdhënie. Megjithatë, unë ndihem i pasigurt. Po mendoj t’i jap edhe më shumë para që të mos më largohet. A jam normal? Çfarë duhet të bëj?
Përgjigjja e psikologes: Fetishet si i yti janë më të zakonshme sesa mund të mendosh dhe nuk do të thotë se ka diçka që nuk shkon me ty. Megjithatë, në rastin tënd ekziston një kufi shumë i hollë mes një marrëveshjeje të pranuar nga të dyja palët dhe shfrytëzimit.
Nëse po ndihesh i shqetësuar, i pasigurt ose ke frikë se duhet të japësh gjithnjë e më shumë para për të mbajtur gjallë këtë marrëdhënie, atëherë është shenjë se dinamika mes jush mund të mos jetë më e shëndetshme. Nuk duhet të ndihesh i detyruar të shpenzosh gjithnjë e më shumë për të fituar vëmendjen ose praninë e dikujt.
Do të ishte e dobishme të flisje me një terapist, i cili mund të të ndihmojë të kuptosh më mirë këtë dëshirë dhe të vlerësosh nëse kjo marrëdhënie po të bën mirë apo po të dëmton emocionalisht.