Gazeta Sinjali ka raportuar dje për të shtëna me armë zjarri në lagjen “Bajram Curri” në Prizren, ku si pasojë mbeti i plagosur një person. Siç ka mësuar ekskluzivisht Sinjali, personi që pësoi lëndime nga arma e zjarrit është Hill Paluca, ndërsa i arrestuari në lidhje me këtë plagosje është Gjelbrim Xhoxhaj.
Ekskluzive: Ky është i dyshuari kryesor për plagosjen e Hill Palucës në Prizren Burimet e Sinjalit nga Emergjenca kanë bërë të ditur se Paluca është dërguar menjëherë për trajtim mjekësor, ku ka marrë ndihmën e nevojshme nga stafi shëndetësor.
Në lidhje me rastin është ndaluar edhe Diart Bytyqi, i cili dyshohet se ndodhej së bashku me Hill Palucën në momentin kur ndodhën të shtënat me armë zjarri. Ekskluzive: Ky është i ndaluari në lidhje me plagosjen e Hill Palucës në Prizren Ndalimin e një personi për këtë rast e ka konfirmuar për Gazetën Sinjali edhe Kryeprokurori i Prokurorisë Themelore në Prizren.
“Po, në relacion me të dëmtuarin të cilit i referoheni, H.P., mund të konfirmoj se një person është ndaluar me vendim të prokurorit për 48 orë, për tri vepra penale: lëndim i rëndë trupor me armë zjarri, shkaktim i rrezikut të përgjithshëm dhe armëmbajtje pa leje”, ka deklaruar ai për Sinjalin.
Kryeprokurori ka bërë të ditur se Prokuroria, brenda afatit ligjor, do të kërkojë caktimin e një mase për sigurimin e pranisë së të pandehurit në procedurë. “Brenda afatit ligjor, Prokuroria do të parashtrojë kërkesë për caktimin e masës për sigurimin e të pandehurit në procedurë”, ka shtuar ai.
Pas të shtënave, në vendin e ngjarjes kanë dalë njësitë relevante të Policisë së Kosovës, të cilat kanë rrethuar zonën dhe kanë nisur hetimet për zbardhjen e plotë të rrethanave të plagosjes. Motivet e incidentit ende nuk janë bërë të ditura, ndërsa Policia dhe Prokuroria po vazhdojnë veprimet hetimore për të sqaruar mënyrën se si ka ndodhur ngjarja dhe rolin e personave të përfshirë.
Gazeta Sinjali do t’ju mbajë të informuar për të gjitha zhvillimet e reja lidhur me këtë rast. Ekskluzive | Ky është i plagosuri në të shtënat me armë në Prizren – Ndodhet në Emergjencë Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!