Presidenti francez, Emmanuel Macron njoftoi se Franca ka kërkuar ndihmë nga Bashkimi Evropian për ta ndihmuar në përballimin e një zjarri të madh pranë bregdetit Atlantik të vendit. “Situata mbetet jashtëzakonisht e tensionuar me zjarret që godasin vendin tonë, veçanërisht në Gironde”, shkroi Macron në X.
“Franca ka kërkuar aktivizimin e mekanizmit të mbrojtjes civile të Bashkimit Evropian. Së shpejti do të jemi në gjendje të mbështetemi në përforcime nga dy avionë kroatë Canadair, dy aeroplanë portugezë Air Tractor, si dhe dy helikopterë të rëndë Black Hawk nga Republika Çeke dhe Sllovakia”, shtoi ai.
Më shumë se 10,000 njerëz u evakuuan gjatë natës në Francën jugperëndimore, ndërsa një zjarr i madh që po përhapej me shpejtësi përfshiu të paktën 2,400 hektarë tokë në perëndim të qytetit të Bordeaux, thanë zyrtarët të enjten.