Shpërndaje në: Sekretari amerikan i Shtetit, Marco Rubio, ka thënë të enjten se Shtetet e Bashkuara mbeten të përgatitura të luajnë një “rol konstruktiv” në ndihmën për t’i dhënë fund luftës në Ukrainë. Ai e ka bërë këtë deklaratë pas bisedimeve me ministrin e Jashtëm rus, Sergei Lavrov, në kuadër të një takimi të Shoqatës së Kombeve të Azisë Juglindore në Manila.
Duke folur pas takimit, Rubio ka thënë se presidenti, Donald Trump, e kishte bërë të qartë se Shtetet e Bashkuara ishin të përgatitura të ndihmonin në lehtësimin e përfundimit të një “lufte të pakuptimtë” nëse do të lindte mundësia. Ai ka thënë se Uashingtoni ia kishte përcjellë këtë mesazh Moskës, ndërsa ka refuzuar ta karakterizojë qëndrimin e Rusisë gjatë bisedimeve.
“Patëm një bisedë të mirë, një bisedë të sinqertë”, ka thënë Rubio për takimin e tij me homologun e tij rus. Ai ka shtuar se nuk do të hynte në detaje specifike rreth asaj që është diskutuar. Edhe Botë 1 d. më parë Rubio paralajmëron për “precedent të rrezikshëm” nëse Irani lejohet të kontrollojë Hormuzin Rubio ka thënë se konflikti kishte shkaktuar një numër të madh viktimash.
Si Rusia ashtu edhe Ukraina kanë vullnet për t’i dhënë fund luftës, por sfida qendrore mbetet gjetja e një zgjidhjeje “që të dyja palët mund ta pranojnë”, ka shtuar ai.
Lavrov, nga ana e tij, “ka riafirmuar gatishmërinë e Rusisë për një zgjidhje politike dhe diplomatike të konfliktit, thuhej në deklaratën e ministrisë ruse, dhe se i është thënë Rubios se Moska mbetet e përkushtuar ndaj propozimeve të paraqitura nga presidentët Trump dhe Vladimir Putin në takimin e tyre të gushtit 2025 në Alaska.