Andy Burnham është emëruar zyrtarisht kryeministri i ri i Mbretërisë së Bashkuar, pasi Mbreti Charles III e ftoi të formojë qeverinë gjatë një takimi privat në Pallatin Buckingham. Ceremonia tradicionale, e njohur si “puthja e duarve”, shënoi kalimin zyrtar të pushtetit nga ish-kryeministri Keir Starmer te Burnham.
Pallati Mbretëror publikoi edhe një fotografi nga takimi mes Mbretit Charles dhe kryeministrit të ri. Burnham mori drejtimin e qeverisë pasi javën e kaluar zëvendësoi Starmerin në krye të Partisë Laburiste, forcës politike që udhëheq vendin. Ai kishte shërbyer më parë si kryetar i rajonit të Mançesterit të Madh.
Në deklarimet e tij të para, kryeministri i ri premtoi stabilitet politik, përmirësim të standardit të jetesës dhe adresim të problemeve ekonomike e të shërbimeve publike. Burnham bëhet kryeministri i shtatë britanik brenda një dekade, duke reflektuar ndryshimet e shpeshta në udhëheqjen politike të Mbretërisë së Bashkuar gjatë viteve të fundit. Sinjali – aty ku e vërteta flet para lajmit!