Ka ndërruar jetë Dr. Fadil Sylë Kurmehaj, mjek dhe ish-udhëheqës shumëvjeçar i Repartit të Infektives në Spitalin Rajonal të Pejës. Lajmin për vdekjen e tij e ka bërë të ditur familja, ndërsa kolegë, bashkëpunëtorë dhe qytetarë kanë shprehur ngushëllime për ndarjen e tij nga jeta. Dr. Kurmehaj është kujtuar si profesionist i përkushtuar, koleg human dhe personalitet me kulturë të gjerë.
Gjatë karrierës së tij në mjekësi, ai u dallua për profesionalizëm dhe kujdes të veçantë ndaj pacientëve. Përveç angazhimit në sektorin e shëndetësisë, Dr. Kurmehaj ishte aktiv edhe në jetën publike dhe politike. Ai shërbeu për disa mandate si asambleist në Kuvendin Komunal të Pejës, ku, sipas bashkëpunëtorëve të tij, u dallua për korrektësi dhe angazhim në shërbim të qytetarëve.
Sinjali – aty ku e vërteta flet para lajmit!