Ministri estonez i Mbrojtjes, Hanno Pevkur, ka njoftuar të enjten se dërgesat e armëve amerikane, të cilat ishin pezulluar përkohësisht për shkak të luftës në Iran, pritet të mbërrijnë në vendin baltik gjatë muajve të ardhshëm.
Zyrtarët amerikanë i kishin informuar homologët evropianë se disa dërgesa të armëve mund të vonoheshin, pasi lufta në Iran kishte ndikuar në rezervat e armatimit të Shteteve të Bashkuara. Presidenti i Estonisë, Alar Karis, kishte deklaruar në fund të prillit se vendi i tij ishte njoftuar për vonesa në lidhje me sistemet raketore HIMARS.
“Për momentin, po bien dakord për detajet logjistike se kur do të jetë e mundur të dërgohet avioni për ta marrë atë”, tha Pevkur. Ai shtoi se shumica e furnizimeve të armëve të dakorduara pritet të realizohen tashmë, ndërsa raketat ATACMS të prodhuara në SHBA vazhdojnë të jenë në pritje, pasi ato janë të lidhura ngushtë me operacionet e Shteteve të Bashkuara në Iran.
Sinjali – aty ku e vërteta flet para lajmit!