Arsenali ka arritur marrëveshje me Club Brugge për transferimin e anësorit grek Christos Tzolis, në një operacion me vlerë rreth 40 milionë euro. Klubi londinez po punon për finalizimin e detajeve të fundit të marrëveshjes, ndërsa 24-vjeçari pritet të rikthehet në Ligën Premier pas aventurës së tij të mëparshme me Norwich City.
Interesi i Arsenalit për Tzolis ishte i ndarë nga ai për Morgan Rogers, ndërsa lëvizja u konkretizua pas largimit të Leandro Trossard te Besiktasi për 20 milionë euro dhe pasi Juventusi bëri të ditur se nuk synon ta shesë Kenan Yildizin. Tzolis kishte rinovuar kontratën me Club Brugge deri në vitin 2029, pasi verën e kaluar refuzoi një ofertë nga Crystal Palace.
Reprezentuesi grek zhvilloi një sezon të shkëlqyer në Belgjikë, duke realizuar 22 gola dhe 29 asistime në 52 paraqitje. Ai ndihmoi Club Brugge ta fitonte titullin e 20-të në elitën belge. Tzolis numëron gjithashtu 34 paraqitje me kombëtaren e Greqisë, ndërsa te Arsenali pritet të shtojë konkurrencën në repartin ofensiv. 🚨 Arsenal reach agreement with Club Brugge to sign Christos Tzolis.
Deal for 24yo left winger done at €40m asking price set by #ClubBrugge . Move in process of being finalised – Greece international wanted & prioritised #AFC move throughout @TheAthleticFC — David Ornstein (@David_Ornstein) July 16, 2026 Sinjali – aty ku e vërteta flet para lajmit!