Një tërmet me magnitudë 5.9 ka goditur qytetin Te Anau në Ishullin Jugor të Zelandës së Re, duke shkaktuar lëkundje të ndërtesave dhe duke detyruar autoritetet të lëshojnë për një kohë të shkurtër paralajmërim për cunami.
Sipas Agjencisë Kombëtare të Menaxhimit të Emergjencave të Zelandës së Re (NEMA), epiqendra e tërmetit ishte rreth 40 kilometra në veri të Te Anaut, pranë hyrjes së rajonit turistik të njohur Fiordland. Deri më tani nuk janë raportuar persona të lënduar apo dëme materiale, raporton Reuters. Tërmeti u regjistrua në orën sipas kohës lokale.
Fillimisht autoritetet kishin vlerësuar se fuqia e tij ishte 6.3 magnitudë, ndërsa NEMA lëshoi paralajmërim për cunami dhe u bëri thirrje banorëve në zonat bregdetare që të largoheshin drejt vendeve më të sigurta. Pas rishikimit të të dhënave dhe uljes së magnitudës në 5.9, paralajmërimi për cunami u zbut, ndërsa qytetarëve iu kërkua vetëm të qëndronin të kujdesshëm.
Më vonë, autoritetet e Zelandës së Re e anuluan plotësisht paralajmërimin për cunami. Sinjali – aty ku e vërteta flet para lajmit!