Ylli Thomas Muller nuk i fshehu mendimet e tij lidhur me qasjen taktike të Anglisë në gjysmëfinalen e Kupës së Botës. Në një video të publikuar në rrjetet sociale, ai kritikoi ashpër vendimet e trajnerit Thomas Tuchel, pasi Argjentina e mundi Anglinë 2-1 duke përmbysur rezultatin.
Muller, i cili e ndoqi kampionatin si komentues ekspert për televizionin gjerman, fillimisht i uroi mirëseardhjen në MLS ish-bashkëlojtarit të tij te Bayerni, Robert Lewandowski, dhe më pas dha analizën e tij për gjysmëfinalet. “Argjentina bëri një ndeshje fantastike. Nuk mund ta besoj apo ta kuptoj se si e qasi Anglia këtë ndeshje, veçanërisht pasi kaloi në avantazh,” tha Muller.
“Nuk e kuptoj pse e lejuan të gjithë skuadrën e Argjentinës të dërgonte top pas topi nga pozicione ideale për krosime. Por nejse, s’ka rëndësi” , tha ai.