Ka nisur mbledhja e Këshillit Kombëtar të Partisë Demokratike, me fokus plotësimin e strukturave drejtuese të partisë. Anëtarët e Këshillit do të votojnë për Sekretarin e Përgjithshëm, nënkryetarët, Sekretariatin dhe Komisionin e Apelimit.
Ndërkohë në nisje të fjalës së tij, kreu i PD-së, Sali Berisha prezantoi listën e emrave të anëtarëve të diasporës që do të jenë pjesë e Këshillit Kombëtar. Berisha u shpreh se propozimet e mëposhtme u miratuan nga Kryesia në përputhje me statutin e PD-së.
“Së pari, dua t’ju informoj se, në përputhje me Statutin, Kryesia e Partisë Demokratike miratoi propozimet që vijojnë për Këshillin e Diasporës, pra anëtarët e diasporës që do të jenë pjesë e Këshillit Kombëtar. Këto propozime kanë ardhur nga degët dhe janë plotësuar edhe këtu me ndonjë propozim tjetër.
Dua t’ju informoj lidhur me listën e anëtarëve të Këshillit Kombëtar nga diaspora: Alba Kepi, Aleksandër Xhufi, Alfred Fizi, Andi Mustafa, Arben Cara, Armand Dervishi, Bardhok Doda, Besa Manaj, Berti Çoku, Besnik Rama, Denis Anelaj, Edmir Çekrezi, Eduard Aliko, Esad Mulaj, Endrit Dako, Erisa Bajaziti, Erjon Dasho, Ethem Ago, Fatjon Semanjaku, Gasper Lekgega, Hasan Metuku, Ilirjan Proko, Imanuel Çaushaj, Julgjin Gjoni, Leart Vasili, Ludovik Tetaj, Melisa Braçi, Milaim Nela, Nuretdin Seçi, Petrit Fidani, Petrit Tafaj, Shkëlzen Rustemaj, Shpend Ndreu, Fimi Grinjoti, Urim Gjata, Valbona Doko, Xheraldo Dashi, Xhulian Hoxha, Xhuliana Dreshaj, Zeqir Picari.
Kjo është lista. Sipas Statutit, lista miratohet nga Kryesia dhe Kryesia e miratoi. Desha t’ju informoja për të”, tha Berisha.