Liverpooli dhe Manchester Unitedi pritet të përballen drejtpërdrejt në garën për transferimin e dy mesfushorëve gjatë kësaj vere, teksa të dy klubet synojnë ta rindërtojnë skuadrën për sezonin 2026/27. Merkatoja pritet të jetë shumë aktive për dy rivalët historikë.
Liverpooli ka zyrtarizuar tashmë transferimet e Victor Munozit dhe Jeremy Jacquetit, por trajneri i ri, Andoni Iraola, ka bërë të qartë se skuadrës i nevojiten edhe përforcime të tjera. “Natyrisht, kemi transferuar tashmë dy futbollistë, por kemi nevojë për të tjerë. Jemi të vetëdijshëm për këtë dhe klubi po punon”, deklaroi Iraola në konferencën e tij të parë si trajner i Liverpoolit.
Manchester Unitedi, ndërkohë, zyrtarizoi të hënën transferimin e Andrey Santosit nga Chelsea, për një shumë që raportohet të jetë 48 milionë funte, plus dy milionë të tjera në formë bonusesh. Ardhja e brazilianit u konfirmua vetëm disa orë pasi u raportua se Unitedi ishte pranë finalizimit të marrëveshjes për Youri Tielemansin.
Mesfushori i Aston Villës ka një klauzolë lirimi që besohet të jetë rreth 35 milionë funte. Unitedi kërkon edhe një mesfushor tjetër Manchester Unitedi mund të transferojë edhe një mesfushor të tretë gjatë kësaj vere, pasi klubi kërkon t’i zëvendësojë Casemiron dhe Manuel Ugarten.
Ugarte rrezikon të mungojë deri në një vit, pasi pësoi dëmtim të rëndë në ligamentet e gjurit gjatë Kupës së Botës. Gjatë javës së kaluar u raportua se Unitedi kishte rikthyer interesimin për mesfushorin e Wolverhamptonit, Joao Gomes. Braziliani ishte shumë pranë transferimit te Atletico Madridi për rreth 45 milionë euro, por marrëveshja dështoi në momentet e fundit.
Sipas raportimeve nga Brazili, Manchester Unitedi ka shfaqur interes konkret për Gomesin pasi hoqi dorë nga transferimi i Edersonit pas rezultateve të testeve mjekësore. Drejtuesit e klubit nga “Old Trafford” tashmë kanë kontaktuar Wolverhamptonin për të kërkuar informacione rreth çmimit dhe strukturës së mundshme të marrëveshjes.
Megjithatë, Unitedi pritet të përballet me konkurrencë të fortë nga Liverpooli, i cili gjithashtu ka kontaktuar klubin për të diskutuar një transferim të mundshëm. Liverpooli në avantazh për Manu Kone Joao Gomes nuk është mesfushori i vetëm për të cilin Liverpooli dhe Manchester Unitedi mund të përballen gjatë kësaj vere.
Një tjetër emër që ka tërhequr interesimin e të dy klubeve është Manu Kone i Romës. Mesfushori 25-vjeçar ka zhvilluar paraqitje të shkëlqyera me Francën gjatë Kupës së Botës dhe raportohet se është i interesuar ta provojë veten në Premier League.
Manchester Unitedi po shqyrton prej disa javësh një ofertë për francezin, pasi është informuar se lojtari do ta mirëpriste një transferim në kampionatin anglez. Megjithatë, Liverpooli raportohet se është aktualisht në pozitë më të favorshme për ta siguruar transferimin e Kones.
Interesimi i klubit nga “Anfield” besohet se është më i avancuar se ai i Manchester Unitedit, çka mund t’i prishë planet e rivalit për rindërtimin e mesfushës. Roma mund të detyrohet ta shesë Trajneri i Romës, Gian Piero Gasperini, ka lënë të kuptohet se klubi mund të jetë i gatshëm ta shesë reprezentuesin francez për shkak të situatës financiare.
Duke folur për të ardhmen e Kones, Gasperini theksoi se rregullat financiare dhe nevoja për t’i balancuar llogaritë mund të ndikojnë në vendimin e klubit. “Kushtet e ‘Fair Play’-it financiar nuk janë gjithmonë të sakta dhe të përcaktuara qartë. Ato ndryshojnë nga një klub te tjetri”, deklaroi Gasperini.
“Edhe Roma ka nevojë t’i balancojë llogaritë, të cilat kanë qenë të rënduara gjatë viteve të fundit.” “Shpresoja që rikthimi në Ligën e Kampionëve të ishte i mjaftueshëm, por është e qartë se bilancet financiare janë vendimtare për klubet.
Besoj se në javët e ardhshme do të kemi më shumë qartësi.” Liverpooli mund të realizojë kështu një goditje të dyfishtë ndaj Manchester Unitedit, duke tentuar transferimin e Joao Gomesit dhe Manu Kones. Nëse arrin ta fitojë garën për të dy mesfushorët, klubi nga “Anfield” jo vetëm që do ta forconte ndjeshëm skuadrën, por do t’ia prishte edhe planet njërit prej rivalëve të tij më të mëdhenj.