Shqipëria do të përjetojë një ditë me mot kryesisht të qëndrueshëm dhe me diell, ndërsa vetëm në zonat malore të lindjes priten vranësira të përkohshme dhe reshje të izoluara shiu. Ditën e sotme, Shqipëria do të ndikohet nga kushte atmosferike kryesisht të qëndrueshme.
Moti parashikohet i kthjellët në pjesën më të madhe të Ultësirës Perëndimore, ndërsa në zonat malore të lindjes dhe juglindjes do të ketë vranësira të pakta, herë pas here mesatare, kryesisht gjatë orëve të mesditës. Pas mesditës, moti do të jetë sërish i kthjellët në të gjithë territorin. Në zonat malore të lindjes priten reshje të dobëta dhe të izoluara shiu në formën e pikave.
Era do të fryjë nga veriperëndimi në verilindje me një shpejtësi mesatare prej 7 m/s. Në vijën bregdetare dhe në zonat luginore, herë pas here, era mund të arrijë shpejtësi deri në 15 m/s. Ndërkohë, deti Adriatik dhe ai Jon do të kenë valëzim të forcës 2 deri në 4 ballë.