Shpërndaje në: Ecuria pozitive e Unai Simonit pa pranuar gol u ndal të premten mbrëma. Portieri i Spanjës pranoi gol pas 650 minutave, në fitoren 2:1 ndaj Belgjikës në çerekfinale të Kupës së Botës. Charles De Ketelaere realizoi në portën e tij, në minutën e 41-të për 1:1. Ishte goli i parë i pranuar nga Spanja në këtë Botëror.
Simoni e theu rekordin paraprak të 517 minutave, në fitoren 3:0 ndaj Austrisë në ndeshjen e parë të fazës nokaut. Portieri i Italisë, Walter Zenga, e mbante këtë rekord prej Botërorit të vitit 1990. Ai nuk kishte pranuar gol në pesë ndeshje rresht. Ecuria pozitive e 29-vjeçarit Simon nisi në vitin 2022 në Katar, kur e mbylli fazën grupore me humbje 2:1 nga Japonia.
Më prapa në listë janë spanjolli Iker Casillas me 476 minuta pa pranuar gol, gjermani Sepp Maier me 474 minuta dhe italiani Gianluigi Buffon me 459 minuta.