Pas takimit me Bedri Hamzën, kryetari i Lëvizjes Vetëvendosje dhe kryeministri në detyrë, Albin Kurti, ka thënë se takimi ishte konstruktiv. “Aktualisht nuk mund të them që kemi ndonjë rezultat konkret që do mund ta ndaja me publikun.
Me kryetarin Hamza jam takuar dy herë gjatë dimrit sivjet, asnjëherë në pranverë e ishte hera e parë në këtë verë e uroj që kjo frymë e konstruktivitetit të vazhdojë”- deklaroi Kurti më . Ai uroi që brenda fateve të konstituohen institucionet dhe të zgjedhet edhe presidenti i ri. “Atmosfera konstruktive duhet të vijoj të mbizotëroj.
Pasditen e vonë do të takoj edhe Lumir Abdixhkun dhe të shohim se si tri subjekte të mëdha t’i mbledhim me shpejtësi 93 deputetë, kemi numrin e mjaftueshëm të deputetëve që të konstituojmë të gjitha institucionet e legjislaturës së 11-të”- tha Kurti. Ai ka shtuar se me 93 deputetë konstituimi i institucioneve është i sigurt sepse me 80 apo 81 deputetë nuk ka asgjë të sigurt.
Duke folur për deklarimin e Hazmës se do të vazhdojnë të jetë në opozitë dhe refuzimin e Aleancës, Kurti tha se kur mblodhi numrat e deputetëve nuk i shtoi ato të Aleancës pasi që refuzuan.
“Nuk është në rregull që një parti e respektuar si AAK të refuzojë takimin me mua, andaj po them 93 në vend se 100 pro gjithashtu edhe partitë e pakicave që kanë qenë në të kaluarën bashkë me LVV-në në qeverisje, nuk kemi asnjë arsye për të besuar se nuk do të jetë njësoj”- ka thënë Kurti.
I pari i LVV-së ka thënë se me pakicat kanë më shumë 61 deputetë vetë dhe se përgjegësia bie mbi ta por për presidentin kanë përgjegjësi të gjithë. “Zgjedhja e presidentit nuk është përgjejgësi vetëm e partisë fituese, është menduar që të bëhet në bashkëpunim me partitë tjera. Jemi për figurë konsensusale, që ka vlera të dëshmuara kombëtare, qytetare dhe profesionale”- deklaroi Kurti.
Kryetari i Partisë Demokratike të Kosovës, Bedri Hamza, pas takimit me kryetarin e Lëvizjes Vetëvendosje, Albin Kurti ka thënë se qëndrimi i PDK-së është që kjo parti ta ketë rolin e vet konstruktiv si parti opozitare brenda Kuvendit.
“Ju e dini qëndrimin tim që unë kam dal me prioritete, me ekonomi, në energji, në arsim e Drejtësi, për me u zbatu këto projekte PDK nuk ka vija të kuqe me askën. Bazuar në bisedat që kemi pas, normalisht korrekte, PDK është në opozitë. Dhe ne i dëshirojmë suksese zotëri Kurtit, dhe partive tjera.”- ka deklaruar Hamza pas takimit.
Hamza ka thënë se në Kuvend përveç PDK-së janë edhe 98 deputetë tjerë dhe mund të kompletohen të gjitha institucionet. “Ne do të bashkëpunojnë me të gjitha forcat politike në dobi dhe interes të qytetarëve të Kosovës dhe për të gjitha ato çështje në të cilat është interesi i Kosovës, vota e PDK do të jetë votë pro, duke përfshi marrëveshje financiare ndërkombëtare dhe që janë në interes të Kosovës”- deklaroi ai.
Hamza ka shtuar se LVV-së i takon të gjej partnerët. Kryeministri në detyrë dhe kryetari i Lëvizjes Vetëvendosje, Albin Kurti, para takimit me kryetarin e Partisë Demorkatike të Kosovës, Bedri Hamza ka thënë se pret që takimi të jetë konstruktiv. “Presim që ky takim të jetë konstruktiv dhe të konstituojmë institucionet e legjislaturës së 11-të.”- tha Kurti para takimit.
Hamza në anën tjetër ka deklaruar se ftesës së Kurtit iu përgjigj pa paragjykime derisa ka shtuar se në këtë takim nuk po shkon për të folur për pozita por për parime. “Qëndrimi im është i qartë. Te unë është gjithmonë konsistenca prezent.
Gjithmonë kam deklaruar që s’ka vija të kuqe me partitë politike, gjithmonë jam i gatshëm me bisedu me secilin lider politik në interes dhe në dobi të vendit dhe normalisht që deklarata ime ka qenë publike, ka qenë e qartë.
Fillimisht për prioritetet, se unë kam garuar me një program, kam garuar me disa prioritete, nuk kam garuar për me i pasë 4-5 vetë ministra, 5-6 vetë, për me pasë këtë pozicion a atë pozicion, po kam garuar me pasë ambient më të mirë për biznesin, me pasë partneritet me aleatët tonë edhe me miqtë tanë, po edhe si partner me i trajtu.
Me i rrit pagat, me i rrit pensionet e shumë prioritete të tjera.” – ka deklaruar Hamza. Nga LDK konfirmuan se Kurti e Abdixhiku do të takohen më në ora . Ndërkaq, Ardian Gjini kryetar i Aleancës ka thënë se nuk e shohin të arsyeshëm takimin me Kurtin duke theksuar se kjo parti vetëm i ka bërë të ditura kërkesat e saj.
Komisioni Qendror i Zgjedhjeve ka certifikuar rezultatin e zgjedhjeve të mbajtura më . Nga , deputetët e rinj kanë afat 30 ditë për të konsituuar Kuvendin e Kosovës. Menjëherë pas konstituimit të Kuvendit, fillon afati 60 ditor për zgjedhjen e presidentit të vendit.
Aktualisht, Kosova është me ushtrues detyrë të presidentit pasi që presidentes së gjashtë, Vjosa Osmani-Sadriu, i përfundoi mandati më .
Sipas rezultateve të certifikuara 53 deputetë do t’i ketë Lëvizja Vetëvendosje, 22 Partia Demokratike e Kosovës, 18 Lidhja Demokratike e Kosovës, 7 Aleanca për Ardhmërinë e Kosovës, 9 Lista Serbe, 1 Partia për Liri, Drejtësi dhe Mbijetesë, 2 Partia Demokratike Turke e Kosovës, 1 Iniciativa e Re Demokratike e Kosovës, 1 PSA, 1 Koalicioni Vakat, 1 Partia Rome e Bashkuar e Kosovës, 1 Partia Liberale Egjeptiane, 1 Partia e Re Demokratike, 1 Unioni Socialdemokrat dhe 1 Partia e Bashkuar e Goranëve.
Deputetët e certifikuar nga LVV janë: Albin Kurti, Glauk Konjufca, Albulena Haxhiu, Hekuran Murati, Donika Gërvalla-Schëarz, Xhelal Sveçla, Ejup Maqedonci, Avni Dehari, Hajrulla Çeku, Mimoza Kusari Lila, Shqipe Mehmeti Selimi, Andin Hoti, Ilir Kërçeli, Arben Vitia, Saranda Bogujevci, Osman Musliu, Nezir Kraki, Alban Bajrami, Arton Konushevci, Edona Lalloshi, Mefail Bajqinovci, Ardian Gola, Armend Muja, Armend Baloku, Arbëreshë Kryeziu Hyseni, Arbër Rexhaj, Rufki Suma, Blerim Gashi, Fitore Pacolli Dalipi, Artane Rizvanolli Berisha, Adriana Matoshi, Agim Bahtiri, Arjeta Fejza, Taulant Kelmendi, Arbërie Nagavci, Krenare Çerkini, Dimal Basha, Liza Gashi, Labinotë Demi Murtezi, Artan Abrashi, Adnan Rrustemi, Adelina Grainca, Valon Ramadani, Salih Zyba, Enver Haliti, Fatmire Kollçaku, Valon Hoti, Valon Peci, Drita Pajaziti, Jeton Raka, Sylejman Meholli, Vigan Qorrolli dhe Fjolla Ujkani.
Prej PDK-së, deputetë të Kuvendit janë: Bedri Hamza, Përparim Gruda, Arian Tahiri, Uran Ismaili, Vlora Çitaku, Sala Jashari, Ganimete Musliu, Enver Hoxhaj, Arben Mustafa, Rrahman Rama, Mergim Lushtaku, Elmi Reçica, Besa Kabashi Ramaj, Jakup Nura, Eman Rrahmani, Altin Krasniqi, Artan Behrami, Fadil Demaku, Blerta Deliu Kodra, Rrustem Mustafa, Eliza Hoxha dhe Ariana Musliu Shoshi.
Nga radhët e LDK-së, pjesë e Kuvendit janë: Vjosa Osmani Sadriu, Lumir Abdixhiku, Doarsa Kica Xhelili, Hykmete Bajrami, Avdullah Hoti, Ukë Rugova, Kujtim Shala, Anton Quni, Lutfi Haziri, Armend Zemaj, Besian Mustafa, Janina Ymeri, Ermal Sadiku, Jehona Lushaku Sadriu, Arben Gashi, Albena Reshitaj, Fadil Hadergjonaj dhe Paris Guri.
Nga AAK (Aleanca), në Kuvend do jenë: Ramush Haradinaj, Besnik Tahiri, Time Kadrijaj, Albana Bytyqi dhe Tetuta Haxhiu, Bekë Berisha dhe Burim Ramadani. Berishës dhe Ramadanit, vendin në Kuvend ia lëshuan Ardian Gjini dhe Daut Haradinaj.
Nga Lista Serbe, pjesë e Kuvendit do të jenë: Zlatan Elek, Igor Simić, Srdjan Popović, Slavko Simić, Jovana Radosavljević, Ljiljana Stefanović, Milan Joksimović, Branislav Nikolić dhe Tanja Vujović.
KDTP do të jetë në Kuvend me Fikrim Damkën dhe Fatma Taçin, ZSPO me Nenad Rashiq, Koalicioni Vakat me Rasim Demirin, IRDK me Elbert Krasniqin, NDS me Emilja Rexhepin, SDU me Duda Baljen, PSA me Artan Asllanin, PLE me Veton Berishën, JDP me Adem Hoxhën dhe PREBK me Albert Kinollin.