Zvicra bëri histori duke u kualifikuar në çerekfinale të Kampionatit Botëror. Në Zvicër gëzimi është i jashtëzakonshëm, por reagimet ndërkombëtare kanë qenë shumë më të rezervuara. “BILD”: Gazeta tabloide gjermane shkruan: “Zvicra fiton dramën e penalltive kundër Kolumbisë”. Mbi të gjitha theksohet mungesa e yllit të Freiburgut, Johan Manzambi. “Manzambi i mungon dukshëm Zvicrës.
Në fazën sulmuese funksionon shumë pak.” “Spor t1”: “Shpëtoi me shumë vështirës i”, e përmbledh televizioni sportiv gjerman. “Sportschau”: “Zvicra sfidon vështirësitë dhe feston sukses historik.” “Die Zeit”: ” Kobel si Kahn – Zvicrën e pret ndeshja e ndeshjeve me Messin.” Media britanike, “The Sun”: “Zvicra fiton festën e gjumit në penallti dhe tani përballet me Argjentinën.”
Tabloidi britanik e përshkruan ndeshjen e Zvicrës si krejt të kundërtën e spektaklit që dhuruan Lionel Messi dhe Argjentina në fitoren ndaj Egjiptit. “Daily Mail” përdori fjalë të ashpra. “Faza e 1/8 së finales solli disa ndeshje të paharrueshme, por kjo ishte larg më e dobëta nga të gjitha.” “The Athletic”: “Zvicra ruan qetësinë dhe është në çerekfinale.”
Portali shkruan se pati shumë pak raste shënimi. “Të dyja skuadrat e ndjenë peshën e madhe të kësaj ndeshjeje.” Mediat argjentinase, “DSports”: Dy komentatorët argjentinas të Botërorit e përshkruan Zvicrën si “një kundërshtar jashtëzakonisht të pakëndshëm”.
“Clarín”: “Xhaka nuk mundi të bënte asgjë në sulm”, shkruan gazeta më e madhe argjentinase, duke shtuar se pa Manzambin “Zvicrës i mungon një sulmues me fuqi vendimtare brenda zonës.” “La Nacion”: “Zvicra shkakton një surprizë të madhe në Vancouver”, titullon gazeta, ndërsa ndeshjen e përshkruan si “të rëndë dhe pa shumë ritëm”.
Gazetat franceze, “Le Figaro”: “Kobel i frustron kundërshtarët”, shkruan gazeta franceze, duke e lartësuar portierin zviceran. Ndeshjen e karakterizon si “kasaphanë”. “Është e habitshme që disa futbollistë, pas 120 minutash lojë, dolën nga fusha pa u lënduar.” Mediat portugeze, “A Bola”: ” Në çerekfinale – 72 vjet më vonë”, titullon gazeta sportive portugeze.
“Mungesa e futbollit cilësor dominoi një pasdite shumë të qetë në Vancouver, ku, me pak përjashtime, vetëm Vargas dhe Kobel u dalluan”.