Edhe sot kanë vazhduar kërkimet për 78 vjeçarin Xhafer Raqi, i cili tash e gati një javë është shpallur i zhdukur nga familja. Pas përfundimit të ditës së sotme do të pezullohen kërkimet për të moshuarin, deri në marrjen e një informacioni të ri ose piste të re të kërkimi. Kështu tha Mentor Maloku, kryetari i Shoqatës së Kosovës për Kërkim-Shpëtim. “ Kërkimet kanë vazhduar edhe sot.
Është njoftim zyrtar që me përfundimin e kërkimeve sot do të pezullohen përkohësisht kërkimet deri në marrjen e ndonjë informacioni të ri ose ndonjë piste të re të kërkimit” , deklaroi Maloku. Në operacionin e kërkimit pos familjes e qytetarëve, janë angazhuar edhe policia, Shoqata e Kërkim-Shpëtimit, Drejtoria e Emergjencave, FSK-ja.
Deri më tani krejt çka është gjetur është një sandale e cila dyshohet se i përket të moshuarit.