Vita Abrashi-Kajtazi Shpërndaje në: Aktori britanik Tom Holland ka thënë se roli i Telemakut në filmin e ri të regjisorit të mirënjohur, Christopher Nolan, “The Odyssey”, shënon fillimin e një etape të re në karrierën dhe jetën e tij.
I njohur për rolin e Spider-Manit, Holland interpreton Telemakun, djalin e Odiseut, i cili është rritur pa të atin dhe e njeh atë vetëm përmes historive legjendare për trimërinë dhe zgjuarsinë e tij. “Ajo që më pëlqen më shumë është se ky duket si shansi im i fundit për të luajtur rolin e një djali”, ka thënë aktori 30-vjeçar, ka shkruar BBC .
Aktorët e filmit “The Oddysey”, Robbert Pattinson, Lupita Nyongo, Tom Holland, Anne Hathaway, Matt Damon, Chalize Theron dhe Zendaya. Në jetën reale, Holland tashmë është i martuar me aktoren Zendaya, e cila në film interpreton perëndeshën Athena. Ai zbuloi se e lexuan bashkë skenarin dhe se Nolan e pyeti nëse do të ishte dakord t’ia ofronte asaj rolin.
“Shkova në shtëpi dhe pata kënaqësinë t’ia jepja lajmin. Ishte një moment shumë i veçantë”, ka thënë ai. Duke kujtuar reagimin e Zendayas, ai ka treguar se “ajo buzëqeshi lehtë dhe më pas të dy filluam të kërcenim nëpër kuzhinë”. Zendaya, në turneun promovues te filmit “The Oddysey” Në film luan edhe aktori Matt Damon në rolin e Odiseut.
Ai ka treguar se e pranoi menjëherë ofertën e Nolan pa ditur as për cilin film bëhej fjalë. “Ai më tha: ‘Dua të të ofroj rolin kryesor’. Unë thashë menjëherë ‘Po’. Pastaj më pyeti: ‘Nuk do ta dish për çfarë filmi bëhet fjalë?’ dhe më tha vetëm dy fjalë: ‘The Odyssey’”, ka treguar Damon.
Aktorja, Anne Hathaway, e cila luan Penelopen, ka thënë se roli e bëri të reflektojë mbi mënyrën si rriteshin fëmijët në Greqinë e lashtë. “Nuk ekzistonte prindërimi i butë në Greqinë e lashtë. Ndonjëherë Penelope duhej ta frikësonte djalin e saj për ta mbrojtur. Kjo më bëri të vlerësoj se sot kemi shumë më tepër mundësi si prindër”, ka thënë ajo.
Filmi e bëri Hollandin të mendonte edhe për konceptin e burrërisë. “Ndoshta mesazhi është se burrëria ka shumë forma dhe nuk ekziston një version i përsosur i saj”, ka thënë ai. Për rolin ai u ushtrua intensivisht me shpatë. “Mësova shumë teknika luftimi me shpatë dhe më pëlqeu jashtëzakonisht”, ka thënë aktori.
Megjithëse sot është një nga aktorët më të njohur në botë, Holland ka thënë se përpiqet të mbetet me këmbë në tokë. “Jetoj sipas mënyrës si më kanë rritur prindërit e mi, duke mos marrë asgjë si të mirëqenë”, ka thënë ai. Ekipi i filmit “The Oddysey” bashkë me regjisorin Christopher Nolan Ylli ka pranuar se të punonte për herë të parë me Nolanin ishte një ëndërr, por edhe një sfidë.
“E kam ëndërruar këtë mundësi për vite. Kur më në fund erdhi, vendosa t’i tregoj se çfarë di të bëj”, ka thënë ai. Edhe vetë Nolan ka treguar se ndieu presion pas suksesit të filmit “Oppenheimer”. “Po shkruaja një projekt të ri dhe nuk doja t’i kisha ‘Oscarët’ para syve. Nuk mund të mendosh vazhdimisht për atë që ke arritur më parë”, ka thënë ai.
Regjisori e përshkruan filmin “The Odyssey” si histori klasike të treguar në një mënyrë krejtësisht të re. “Njerëzit duan gjithmonë diçka të re. Gabimi më i madh i Hollywoodit është ta harrojë këtë”, ka thënë ai. Në fund, Damon ka theksuar se filmi nuk synon t’i japë publikut një mesazh të gatshëm. “Arti duhet të nxisë diskutim. Nuk është detyra jonë të themi se cili është mesazhi.
Është diçka për të cilën njerëzit duhet të bisedojnë”, ka thënë ai.