Policia e Kosovës ka njoftuar për një rast të asgjësimit apo dëmtimit të pasurisë së huaj në Kompleksin Memorial “Zahir Pajaziti” në Orllan të Podujevës. Sipas raportit 24-orësh të Policisë, rastit ka ndodhur gjatë periudhës 30 maj dhe 30 qershor të këtij viti.
“Njësitet policore, pas pranimit të informatës, kanë dalë në vendin e ngjarjes, ku në objektin përcjellës në kullë ku kanë vërejtur disa dëmtime në tavan dhe në korridorin e objektit”, thuhet në raport. Lidhur me rastin është informuar edhe prokurori, ndërsa policia ka bërë të ditur se rasti është iniciuar si “Asgjësim apo dëmtim i pasurisë së huaj” dhe hetimet janë në vazhdim.
Burimi:
Telegrafi