Komuna e Mitrovicës së Jugut do të lejojë qasjen e të gjitha veturave private që janë me tabela të huaja brenda oborrit të komunës. Kjo praktikë, sipas kryetarit Faton Peci do të fillojnë nga nesër, më .
Sipas tij, të tjera hapësira që do të destinohen për veturat me targa ndërkombëtare janë: parkingu para dhe prapa objektit të Komunës, parkingu i palestrës sportive “Minatori”, parkingu i Bibliotekës së Qytetit si dhe parkingu i Muzeut të qytetit.
“Komuna e Mitrovicës, bazuar në prezencën e madhe të mërgatës në Mitrovicë dhe nevojën për parkingje shtesë, ka vendosur që të vërë në dispozicion për parkim pa pagesë për veturat me targa ndërkombëtare hapësirat e institucioneve të komunës”- thuhet në njoftim. Duke iu uruar mirëseardhje mërgimtarëve, kryetari ka një kërkesë drejtuar atyre.
“Luten mërgimtarët që parkingjet t’i shfrytëzojnë në mënyrë racionale”- ka shkruar Peci. Këtë iniciativë e kishin marrë më parë edhe komunat e tjera. Më me anë të një urdhërese, Komuna e Suharekës kishte lejuar qasjen e të gjitha veturave private që janë me tabela të huaja brenda oborrit të komunës.
Për t’i bërë vendin në parkingun e komunës, mërgimtarëve, komuna kishte urdhëruar që punëtorët e administratës së mos parkohen në të njëjtin vend. Edhe Komuna e Malishevës kishte marrë vendim për lirimin e hapësirës së oborrit të ndërtesës së Komunës në shërbim të mërgimtarëve, më .