Shpërndaje në: James Middleton ka vlerësuar motrën e tij, princeshën e Uellsit, Catherine, duke e cilësuar si një burim frymëzimi.
James tha se është “jashtëzakonisht krenar” për motrën e tij, pasi ajo përfundoi me sukses sfidën në ngjitjen e tri majeve më të larta. 44-vjeçarja ngjiti e vetme brenda 24 orëve majat më të larta të Scotland, England dhe Wales: Ben Nevis (1,345 m), Scafell Pike (978 m) dhe Snowdon (1,085 m).
Pas sfidës, James kujtoi bisedat që kishin bërë dy vite më parë, kur Catherine po trajtohej për kancer. Duke shpërndarë në Instagram një fotografi ku përqafohet me Catherine, si edhe një tjetër ku shfaqen prindërit e tyre, Michael Middleton dhe Carole Middleton, bashkë me bashkëshortin e princeshës, Prince William, dhe tre fëmijët e tyre, James shkroi: “Jam jashtëzakonisht krenar për motrën time të dashur.
Dy vite më parë të thashë se do ta ngjisnim këtë mal së bashku. Folëm për ngjitjen e maleve ndërsa ishe në spital dhe për fuqinë e jashtëzakonshme shëruese që natyra mund të ketë si për trupin, ashtu edhe për mendjen. Prandaj ishte një nder i madh të të shoqëroja në Sfida e Tre Majave për bamirësinë e Royal Marsden.” “Të shoh se sa larg ke arritur është vërtet frymëzuese.
Forca, qëndrueshmëria dhe vendosmëria jote, ndërsa je njëkohësisht një nënë, bashkëshorte, bijë dhe motër e mrekullueshme, më frymëzojnë mua dhe shumë njerëz të tjerë çdo ditë. Vazhdo të jesh pikërisht ajo që je”, ka shkruar ai. Catherine e ndërmori këtë sfidë për të mbledhur fonde për The Royal Marsden Cancer Charity. Organizata komentoi në postimin e James: “Nuk mund të ishim më dakord!
Jemi jashtëzakonisht mirënjohës që Lartmadhëria e Saj është Bashkëpatrone e The Royal Marsden dhe që të dy po mbështesni The Royal Marsden Cancer Charity.” Pas publikimit të lajmit për sfidën, një alpinist tjetër, Philip Tebajjëa, ndau një video ku Catherine po zbriste nga maja e Snoëdon-it, duke mbajtur dorën e vëllait të saj, ndërsa qeni i tij, Mabel, vraponte pas tyre.
Ai shkroi: “Isha duke përgëzuar alpinistët që po zbrisnin nga maja me erë… pa e ditur se në fakt po flisja me mbretërorë.” Më vonë ai publikoi edhe një selfie me princeshën dhe shtoi: “Në atë moment mund të mendoja vetëm një gjë… A jam vërtet duke ëndërruar?”
Kur diagnoza e kancerit të Catherine u bë publike në vitin 2024, James kishte publikuar një fotografi të fëmijërisë së tyre gjatë një shëtitjeje në mal. Ai e kishte shoqëruar foton me fjalët: “Gjatë viteve kemi ngjitur shumë male së bashku. Si familje, do ta ngjisim edhe këtë me ty.”