Presidenti i SHBA-së, Donald Trump, duke folur në telefon me udhëheqësin rus Vladimir Putin për gati 90 minuta, ofroi ndihmë për të gjetur një zgjidhje për luftën në Ukrainë , tha ndihmësi i Kremlinit, Yuri Ushakov, në komentet e bëra publike herët të dielën.
Ushakov tha se Trump e bëri ofertën gjatë telefonatës të shtunën, në Ditën e Pavarësisë së SHBA-së, në kontekstin e pjesëmarrjes së tij javën e ardhshme në samitin e NATO-s në Turqi. Presidenti ukrainas Volodymyr Zelensky tha se ai foli edhe me Trumpin, shkruan Reuters.
“Presidenti amerikan konfirmoi edhe një herë gatishmërinë e tij për të punuar drejt një përfundimi të shpejtë të luftimeve dhe për të gjetur zgjidhje për të kapërcyer krizën”, tha Ushakov për telefonatën e Trump me presidentin rus.
Ushakov, i cili e përshkroi bisedën si “të tipit biznes dhe mjaft konstruktive”, tha se Rusia kërkoi “një zgjidhje politiko-diplomatike të konfliktit, duke marrë parasysh qasjen themelore të Rusisë”. Sinjali – aty ku e vërteta flet para lajmit!